Previous Chapter
ETHIOPIAN BOOK OF ENOCH
Contents ~ Foreword ~ 104 Chapter ~ Compare ~ Notes


Next Chapter


እምሕል ፡ ለክሙ ፡ ጻድቃን ፡ እስመ ፡ በሰማይ ፡ ይዜከሩ ፡ መላእክት ፡ በእንቲአክሙ ፡ ለሠናይ ፡ በቅድመ ፡ ስብሐቲሁ ፡ ለዐቢይ ፤ አስማቲክሙ ፡ ይጸሐፍ ፡ በቅድመ ፡ ስብሐቲሁ ፡ ለዐቢይ ።

እምሕል ፡ ለክሙ ፡ ጻድቃን ፡ እስመ ፡ በሰማይ ፡ ይዜከሩ ፡ መላእክት ፡ በእንቲአክሙ ፡ ለሠናይ ፡ በቅድመ ፡ ስብሐቲሁ ፡ ለዐቢይ ፤ አስማቲክሙ ፡ ይጸሐፍ ፡ በቅድመ ፡ ስብሐቲሁ ፡ ለዐቢይ ።   

ተሰፈዉ ፡ እስመ ፡ በቀዳሚ ፡ ኀሰርክሙ ፡ በእከይ ፡ ወበስራሕ ፡ ወይእዜኒ ፡ ትበርሁ ፡ ከመ ፡ ብርሃናተ ፡ ሰማይ ፡ ወትትረአዩ ፡ ወኆኅተ ፡ ሰማይ ፡ ይትረኀዉ ፡ ለክሙ ።
2. ተሰፈዉ ፡ እስመ ፡ በቀዳሚ ፡ ኀሰርክሙ ፡ በእከይ ፡ ወበስራሕ ፡ ወይእዜኒ ፡ ትበርሁ ፡ ከመ ፡ ብርሃናተ ፡ ሰማይ ፡ ወትትረአዩ ፡ ወኆኅተ ፡ ሰማይ ፡ ይትረኀዉ ፡ ለክሙ ።   

ወጽራሐ ፡ ዚአክሙ ፡ ኵነኔ ፡ ጽርሑ ፡ ወያስተርኢ ፡ ለክሙ ፡ እስመ ፡ እምነ ፡ መላእክት ፡ ይትኀሠሥ ፡ ኵሎ ፡ ምንዳቤክሙ ፡ ወእምኵሎሙ ፡ እለ ፡ አርድእዎሙ ፡ ለእለ ፡ የሀይዱክሙ ።
3. ወጽራሐ ፡ ዚአክሙ ፡ ኵነኔ ፡ ጽርሑ ፡ ወያስተርኢ ፡ ለክሙ ፡ እስመ ፡ እምነ ፡ መላእክት ፡ ይትኀሠሥ ፡ ኵሎ ፡ ምንዳቤክሙ ፡ ወእምኵሎሙ ፡ እለ ፡ አርድእዎሙ ፡ ለእለ ፡ የሀይዱክሙ ።   

ተሰፈዉ ፡ ወኢትኅድጉ ፡ ተስፋክሙ ፡ እስመ ፡ ትከውን ፡ ለክሙ ፡ ፍሥሓ ፡ ዐባይ ፡ ከመ ፡ መላእክተ ፡ ሰማይ ።
4. ተሰፈዉ ፡ ወኢትኅድጉ ፡ ተስፋክሙ ፡ እስመ ፡ ትከውን ፡ ለክሙ ፡ ፍሥሓ ፡ ዐባይ ፡ ከመ ፡ መላእክተ ፡ ሰማይ ።   

እንተ ፡ ሀለወክሙ ፡ ትግበሩ ፡ አኮ ፡ ትትኀብኡ ፡ ሀለወክሙ ፡ በዕለተ ፡ ኵነኔ ፡ ዐባይ ፡ ወኢትትረከቡ ፡ ከመ ፡ ኃጥኣን ፡ ወኵነኔ ፡ እንተ ፡ ለዓለም ፡ ትከውን ፡ እምኔክሙ ፡ ለኵሉ ፡ ትውልደ ፡ ዓለም ።
5. እንተ ፡ ሀለወክሙ ፡ ትግበሩ ፡ አኮ ፡ ትትኀብኡ ፡ ሀለወክሙ ፡ በዕለተ ፡ ኵነኔ ፡ ዐባይ ፡ ወኢትትረከቡ ፡ ከመ ፡ ኃጥኣን ፡ ወኵነኔ ፡ እንተ ፡ ለዓለም ፡ ትከውን ፡ እምኔክሙ ፡ ለኵሉ ፡ ትውልደ ፡ ዓለም ።   

ወይእዜኒ ፡ እትፍርሁ ፡ ጻድቃን ፡ ሶበ ፡ ትሬእይዎሙ ፡ ለኃጥአን ፡ ይጸንዑ ፡ ወይዴለዉ ፡ በፍትወቶሙ ፡ ወኢትኩኑ ፡ ሱቱፋነ ፡ ምስሌሆሙ ፡ አላ ፡ ረኀቁ ፡ እምግፍዐ ፡ ዚአሆሙ ፡ እስመ ፡ ለሐራ ፡ ሰማይ ፡ ሀለወክሙ ፡ ትኩኑ ፡ ሱቱፋነ ።
6. ወይእዜኒ ፡ እትፍርሁ ፡ ጻድቃን ፡ ሶበ ፡ ትሬእይዎሙ ፡ ለኃጥአን ፡ ይጸንዑ ፡ ወይዴለዉ ፡ በፍትወቶሙ ፡ ወኢትኩኑ ፡ ሱቱፋነ ፡ ምስሌሆሙ ፡ አላ ፡ ረኀቁ ፡ እምግፍዐ ፡ ዚአሆሙ ፡ እስመ ፡ ለሐራ ፡ ሰማይ ፡ ሀለወክሙ ፡ ትኩኑ ፡ ሱቱፋነ ።   

እስመ ፡ ትብሉ ፡ አንትሙ ፡ ኃጥአን ፡ ኢትኅሥሡ ፡ ወኢይጸሐፍ ፡ ኵሉ ፡ ኀጢአትነ ፡ ይጽሕፉ ፡ ሀለዉ ፡ ኵሎ ፡ ኀጢአተክሙ ፡ በኵሉ ፡ ዕለት ።
7. እስመ ፡ ትብሉ ፡ አንትሙ ፡ ኃጥአን ፡ ኢትኅሥሡ ፡ ወኢይጸሐፍ ፡ ኵሉ ፡ ኀጢአትነ ፡ ይጽሕፉ ፡ ሀለዉ ፡ ኵሎ ፡ ኀጢአተክሙ ፡ በኵሉ ፡ ዕለት ።   

ወይእዜኒ ፡ አነ ፡ አርእየክሙ ፡ እስመ ፡ ብርሃን ፡ ወጽልመት ፤ ዕለት ፡ ወሌሊት ፡ ይሬእዩ ፡ ኵሎ ፡ ኀጢአተክሙ ።
8. ወይእዜኒ ፡ አነ ፡ አርእየክሙ ፡ እስመ ፡ ብርሃን ፡ ወጽልመት ፤ ዕለት ፡ ወሌሊት ፡ ይሬእዩ ፡ ኵሎ ፡ ኀጢአተክሙ ።   

እትርስዑ ፡ በልብክሙ ፡ ወኢተሐስዉ ፡ ወኢትሚጥዎ ፡ ለነገረ ፡ ርትዕ ፡ ወኢታሐስውዎ ፡ ለነገረ ፡ ቅዱስ ፡ ወዐቢይ ፡ ወኢትሰብሕዎ ፡ ለጣዖትክሙ ፡ እስመ ፡ ኢኮነት ፡ ኵላ ፡ ሐሰትክሙ ፡ ወኵሉ ፡ ርስዓንክሙ ፡ ለጽድቅ ፡ አላ ፡ ለኀጢአት ፡ ዐባይ ።
9. እትርስዑ ፡ በልብክሙ ፡ ወኢተሐስዉ ፡ ወኢትሚጥዎ ፡ ለነገረ ፡ ርትዕ ፡ ወኢታሐስውዎ ፡ ለነገረ ፡ ቅዱስ ፡ ወዐቢይ ፡ ወኢትሰብሕዎ ፡ ለጣዖትክሙ ፡ እስመ ፡ ኢኮነት ፡ ኵላ ፡ ሐሰትክሙ ፡ ወኵሉ ፡ ርስዓንክሙ ፡ ለጽድቅ ፡ አላ ፡ ለኀጢአት ፡ ዐባይ ።   

ወይእዜኒ ፡ አነ ፡ አአምሮ ፡ ለዝ ፡ ምሥጢር ፡ እስመ ፡ ነገረ ፡ ርትዕ ፡ ይመይጡ ፡ ወየዐልዉ ፡ ብዙኃን ፡ ኃጥኣን ፡ ወይትናገሩ ፡ ነገራተ ፡ እኩያተ ፡ ወይሔስዉ ፡ ወይፈጥሩ ፡ ፍጥረተ ፡ ዐቢያተ ፡ ወመጻሕፍተ ፡ ይጽሕፉ ፡ ዲበ ፡ ነገራቲሆሙ ።
10. ወይእዜኒ ፡ አነ ፡ አአምሮ ፡ ለዝ ፡ ምሥጢር ፡ እስመ ፡ ነገረ ፡ ርትዕ ፡ ይመይጡ ፡ ወየዐልዉ ፡ ብዙኃን ፡ ኃጥኣን ፡ ወይትናገሩ ፡ ነገራተ ፡ እኩያተ ፡ ወይሔስዉ ፡ ወይፈጥሩ ፡ ፍጥረተ ፡ ዐቢያተ ፡ ወመጻሕፍተ ፡ ይጽሕፉ ፡ ዲበ ፡ ነገራቲሆሙ ።   

ወሶበሰ ፡ ኵሎ ፡ ነገርየ ፡ ይጽሕፉ ፡ በርትዕ ፡ ዲበ ፡ ልሳናቲሆሙ ፡ ወኢይዌልጡ ፡ ወኢያሐፅፅ ፡ እምነገራትየ ፡ አላ ፡ ኵሎ ፡ በርትዕ ፡ ይጽሕፉ ፡ ኵሎ ፡ ዘቀዳሚ ፡ አስማዕኩ ፡ በእንቲአሆሙ ።
11. ወሶበሰ ፡ ኵሎ ፡ ነገርየ ፡ ይጽሕፉ ፡ በርትዕ ፡ ዲበ ፡ ልሳናቲሆሙ ፡ ወኢይዌልጡ ፡ ወኢያሐፅፅ ፡ እምነገራትየ ፡ አላ ፡ ኵሎ ፡ በርትዕ ፡ ይጽሕፉ ፡ ኵሎ ፡ ዘቀዳሚ ፡ አስማዕኩ ፡ በእንቲአሆሙ ።   

ወካልአ ፡ ምሥጢረ ፡ አአምር ፡ እስመ ፡ ለጻድቃን ፡ ወለጠቢባን ፡ ይትወሀባ ፡ መጻሕፍታት ፡ ለፍሥሓ ፡ ወለርትዕ ፡ ወለጥበብ ፡ ብዙኅ ።
12. ወካልአ ፡ ምሥጢረ ፡ አአምር ፡ እስመ ፡ ለጻድቃን ፡ ወለጠቢባን ፡ ይትወሀባ ፡ መጻሕፍታት ፡ ለፍሥሓ ፡ ወለርትዕ ፡ ወለጥበብ ፡ ብዙኅ ።   

ወሎሙ ፡ ይትወሀባ ፡ መጻሕፍት ፡ ወየአምኑ ፡ ቦሙ ፡ ወይትፌሥሑ ፡ ቦሙ ፡ ወይትዐሠዩ ፡ ኵሎሙ ፡ ጻድቃን ፡ እለ ፡ እምኔሆሙ ፡ አእመሩ ፡ ኵሎ ፡ ፍናዋተ ፡ ርትዕ ።
13. ወሎሙ ፡ ይትወሀባ ፡ መጻሕፍት ፡ ወየአምኑ ፡ ቦሙ ፡ ወይትፌሥሑ ፡ ቦሙ ፡ ወይትዐሠዩ ፡ ኵሎሙ ፡ ጻድቃን ፡ እለ ፡ እምኔሆሙ ፡ አእመሩ ፡ ኵሎ ፡ ፍናዋተ ፡ ርትዕ ።   




Previous Chapter

ETHIOPIAN BOOK OF ENOCH
104 Chapter

Next Chapter






Enoch the Prophet 1821 | Book of Enoch 1882 | Book of Enoch 1912 | Ethiopian Book of Enoch | Mashafa Henok | Mäshäfä Henok | Propheten Enoch 1826 | Henochs Bok 1901 | Interlinear | Compare | Compare Ge'ez | Search | GuestBook | Biblical Cosmology | Frames | Without frames






The Book of Enoch Interlinear is a part of the Swedish website
BIBELTEMPLET